'Бодож сэтгэж чадвал хийж чадахгүй ажил үгүй' гэж нэгэн ухаантай хүн хэлсэн байдаг. Энэхүү номыг бичих явцдаа бидний хувьд олон ажлыг бодож сэтгэж чадсан хэдий ч хийж чадаагүй ажил нилээд хувийг эзэлж байгааг олж харсан юм. Тэдгээр хийж чадаагүй ажилд бидний удирдан зохион байгуулалтаас гадна чадвартай, сэтгэлтэй ажилтан дутаж байлаа. Дэлхийн нэгэн томоохон компанийн эзэн компанийнхаа хамгийн том өмч хөрөнгийг 'Хэзээд компанийнхаа төлөө байдаг ажилтнууд маань' гэж хэлсэн байдаг. Хэдийгээр хүнийг өмч хөрөнгөтэй жишиж байна гэж шүүмжлэх нэгэн байх боловч хэдэн миллиардаар тоологдох өмч хөрөнгийн эзэн хүнээс илүү эрхэм зуйл байхгүйг хэлсэн хэрэг болов уу? Компанийнхаа төлөө хоёргүй сэтгэлээр зүтгэсэн хүмүүст баярлаж талархахаас өөр аргагүй. Аливаа компани, байгууллагын амжилтын үндэс нь тэнд ажилладаг ажилтан, ажилчдын бүтээлч хөдөлмөр юм.