Эл зохиолд монголчуудын эртний өвөг Хүннү улсаас Ардын засаг хүртэлх тариалангийн түүхийг уилруулан авч үзэхийг зорьжээ. Зохиолын дийлэнх хувийг Манж Чин улсын эрхшээлд байх XVII-XX зууны эхэн үеийн ар, өвөр, Монгол, Хөх нуурын Монголд тариалан ямар байдалтай байсныг тодруулан гаргахад чиглэсэн байна. Б.Буянчуулган абугай 1932-1937 онд Шинжлэх ухааны хүрээлэнд ажиллаж байхадаа түүхийн хэд хэдэн зохиол бичсэний нэг нь 'Монголын тариалангийн түүх' юм. Үүнд 1936 оны мэдээ ашигласан байх тул зохиол 1936 оны сүүл, 1937 оны эх эсвэл дундуур бичигдсэн байна. Энэ зохиол бол өдгөө хүртэлх Монгол нутаг дахь тариалангийн түүхийг дагнан бичсэн цорын ганц нэг сэдэвт зохиол юм.