Бурханы шашны гүн ухааны гол зорилго нь хамаг амьтныг зовлонгоос ангижруулах юм. Алив юмсын мөн чанарыг танихын хэрээр ёс зүй төлөвшдөг ба үйлийн үрийн хууль болон харилцан хамаарлыг мэдсэнээр бусдад хандаж муу үйл хийхээс зайлсхийдэг. Хүний нисваанисын хорт сэтгэл бүгдийн суурь нь юмс үзэгдэл болон өөрийн мөн чанарыг хэт давуулан үнэлэх үнэлэлт гэж буддизм үздэг. Буддизмын гүн ухаанаар дамжуулан хүн өөрийн мөн чанарын хийсвэр утгыг танихын хэрээр, хоосон чанарыг мэдэхийн хэрээр хорт сэтгэл бүгд арилан бодь сэтгэл буюу өрөвч зөөлөн бусдыг гэсэн сэтгэл төрөх учиртай.