Олон нийтийн сэтгэл зүйн боловсролд зориулж “Сэтгэл судлал таны амьдралд” сэтгүүлийг эрхлэн гаргаж байгаа билээ. Тус сэтгүүл нь сэтгэл судлалын академик, практик салбарт ажилладаг сэтгэл судлаачдын сүүлийн үеийн судалгаа, нийтлэлийг шинжлэх ухааны хялбаршуулсан хэллэг, эх сурвалжтайгаар хүргэдгээрээ онцлогтой. Сэтгүүлийн дугаар бүрээс сэтгэл хөдлөл, харилцаа, зан үйл, бие махбод, карьер, хүний хөгжил, сэтгэл зүйн тест, сэтгэл зүйчийн өрөө зэрэг булангуудаар нийтлэл унших боломжтой.