Энэ ном зохиогчийн өөрийнх нь хэлсэнчлэн өнгөрсөн үеийн гарамгай хүмүүсийн өөрсдөө ч үл анзааран захидалдаа шингээж үлдээсэн хайр сэтгэлийн тэр догдлол тэмүүлэл, эрч хүчийг, түүнтэй зэрэгцэн илэрсэн хүмүүжил, ёс суртахууны төлөвшил, тэдний эрхэм дээд хүсэл эрмэлзлэл юу байсныг, сэтгэлийн олон өнгө аясыг нэгэн зэрэг уншигч танд нээн харуулах болно. Түүнчлэн хүний амьдралын мөн чанар, амьдрахын утга учрыг ч залуус энэ номоос шүүн тунгааж, нийгмийн өмнө хүлээсэн үүрэг хариуцлага гэж юу байдгийг, бусадтай харьцах харьцаа ямар байх ёстойг, түүхэн цаг үе, нөхцөл байдал хүний амьдрал, үзэл санаанд хэрхэн яаж нөлөөлж байсныг олж харж, бага ч болов ухаарлыг хүртэнэ гэдэгт найдаж байна.